Saturday, August 28, 2010
, Vishva maanavudu
విశ్వ మానవుడు
విశ్వ మూర్తినినేను, విశ్వ పతి నేను !
విశ్వ వేద్యుడ నేను, విశ్వమును నేను
విశ్వాంతరాత్ముడను ,విశ్వ కర్తను నేను
విశ్వమున వెలుగొందు తేజమును నేను!
జీవ కోటుల పెక్కు శీర్షముల యందునను
చేరినా శీర్షంబు గరువమున లేచు
వేయి గొంతుకలందు, వేయి చేతుల లొన
వినిపించు నా గొంతు , కనిపించు నా చేయి విశ్వ మూర్తిని నేను .....
తారకల పొదరిండ్ల విరుల తావుల మెచ్చి
పరమాణు పుంతలో విహరణము సలిపి
అంతమే లేని ఈ సృష్టి పధముల లోన
అంతమెరుగని నిత్య యాత్రికుడ నేను విశ్వ మూర్తిని నేను ....
విశ్వ యోచనములో నాయోచనయు కలదు
విశ్వ నేత్రములతో నేజూచు చుందు
విశ్వ కళ్యాణమును వెదకు చుందును నేను
నా శ్వాస విశ్వంపు శ్వాస ! నాపేరు విశ్వ మానవుడు
నాపేరు విశ్వ మానవుడు ,నా .....పేరు ....విశ్వ మానవుడు .........
Subscribe to:
Post Comments (Atom)
good post thanks for sharing Telugu vilas
ReplyDelete